|
| 1 Tesalonika |
|
Ne Achtu Tajkwilul Ipal Ne Tukniwan Ipal Tesalonika anka ne achtu amat ipal Pawlo wan nusan ne amat ipal ne Yankwik Sentaketzat ne mujkwiluj achtu, anka tik ne shiwit 51. Tesalonika ne weytechan ipal ne tal itukay Makedonia. Pawlo ajsik ka né tik ne shiwit 50. Ne Yudayujmet te kitasujtaket, wan yajki itech ne sejseuk, pero ne Yudayujmet kiajwaket wan chuluj. Pawlo kinekituya ken ijtuk iwan ne tayulmatit ne kinhajkaw ka ikuni wan kituktij Timoteo intech pal tachia. Kwak Timoteo mukwepki witz, Pawlo kichiwki ini amat inpal.
Tik ini amat, achtu kintajpalua wan kinmaka padiush ika kitasujtaket, wan pajpaki ipanpa ne yankwik sennemit ijtik yejemet. Nusan ina ka nemit sejse pal kinneshtia pal kimatit yek ken nemit pal muwikat ken Cristianojmet. Kinhilwia ka su se miki kwak teuk walaj ne itatekimakalis ne Teut, yawit muketzat senpa tik uni tunal wan yawit kitat ne tatekimakalis. Yajika, te timunekit tichukat kwak miki se tayulmati.
|
|
