Ne Ukse Tajkwilul Ipal Timoteo ne ume ipal ne “cartas pastorales” (shikita tay tinaket ipanpa 1 Timoteo). Sejse inat ka Pawlo tajkwiluj, wan sejseuk ka inte. Su te Pawlo ne tajkwiluani sute seuk ká yultuk kwak Pawlo miktuya, kineki ina ka nusan te mutajkwiluj ipal Timoteo. Anka yaja ipal muchi ne sennemit, tik ne tujtunal kwak sejse pejket mushijshikuat iwan sajsankatamachtilis.
2 Timoteo kipia nawi takutun. Shiamatachia tik Bible Gateway.
Ini tajkwilul te kenha ken 1 Timoteo. Ne tajkwiluani pewa kilwia “Timoteo” ma te kipia mawi (“…ne Teut tesu techmakatuk se tuijiu ipal mawi sute se tuijiu ipal tutajpal wan tetasujtalis wan pal tikpiat yek tutzuntekun…”) wan ma te ishpinawa wan ma kieku tay te yek ipanpa ne yeknawatilis (“…maka shishpinawa ipanpa ne taneshtilis ipal ne Tutajtzin nian nupanpa naja, ne iilpituk; shikeku tay te yek taja nusan ka imaku ne yeknawatilis iwan itajpal Teut”, 1:7-8). “Pawlo” ina ka kimati ka yawit kimiktiat, wan techmaka ini takwikalis (2:11-13): “Su timiktiwit iwan, / nusan tiawit tiyujyultuk iwan; / su titaekuat, / nusan titatuktisket iwan; / su tiknaktiat, / yajuni nusan technaktis. / Su te tikyulmatit, / yaja kenhayuk yawi melawak / ika te weli munaktia.”
